Código do proxecto: FEADER 2012/23
Ano de inicio: 2012
Investigador Principal: María Dolores Báez
Outros investigadores: María Isabel García Pomar, Juan Castro Insua. EMPRESA SOLICITANTE: Progando
Departamento:
Área:
Estudos precedentes demostran que a intensificación gandeira acontecida en Galicia nos últimos anos provocou unha utilización excesiva e pouco eficiente dos fertilizantes nitroxenados aplicados nos cultivos.
O obxectivo xeral do proxecto é optimizar o nivel produtivo e de calidade nos dous cultivos forraxeiros máis importantes en Galicia, millo e praderías, que representa o 58,4% da superficie cultivada, desenvolvendo estratexias axeitadas de mitigación en materia de emisións de gases de efecto invernadoiro e de lixiviación de nitratos baseadas na utilización de inhibidores da nitrificación.
Propóñense varios ensaios de campo que inclúen novas formulacións e o inhibidor DMPP dispoñible no mercado con moi bos resultados noutras rexións de Europa e que pode reducir o impacto ambiental de fertilizantes minerais e xurros de vacún.
Preténdese co desenvolvemento do proxecto obter novos datos que respondan á demanda de información por parte de técnicos e agricultores/gandeiros sobre a capacidade de incrementar as producións dos seus cultivos e incrementar a marxe económica das explotacións nas peculiaridades edafo-climáticas de Galicia, á vez que sirvan para formular medidas de redución de emisións gasosas e de lixiviación de nitrato que protexan a calidade da atmosfera e das augas que nos rodea.
