fondo
Logo Conseller�a
Logo Agacal
CIAM
Proxectos
proxectos > Introducción
Titulo:
 
Autor:

 


Código do proxecto: RTA2006-00153-C02-00
Ano de inicio: 2006
Investigador Principal: Juan Piñeiro Andión
Outros investigadores: Juan Piñeiro Andión, Jaime Fernández Paz, Nieves Díaz Díaz, María José Bande Castro
Departamento:
Área:

RESUMO DO PROXECTO:

Entre 1988 e 2003 foron desenvolvidos unha serie de 5 proxectos de investigación en Galiza, Asturias, País Vasco e Navarra, nos que se estudaron diversas especies pratenses plurianuais e forraxeiras anuais, téndose chegado a conclusións positivas sobre a conveniencia do uso de leguminosas pratenses plurianuais (trevo branco, trevo violeta e alfalfa) e leguminosas forraxeiras anuais (veza, chícharos forraxeiros e fabas) e as súas mesturas gramíneas.

O principal problema observado é que a maioría destes estudos case non tiveron impacto sobre o proceso produtivo das explotacións gandeiras actuais, porque a maior parte da información foi presentada en congresos, aos que nin os gandeiros nin os seus técnicos asesores asisten, ou está en publicacións especializadas, que tampouco chegan ao sector.

Por iso foi redactado este proxecto de transferencia de tecnoloxía, co obxectivo principal de trasladar ás explotacións os resultados sobre leguminosas pratenses plurianuais (trevo branco, trevo violeta e alfalfa) e sobre leguminosas forraxeiras anuais (veza, chícharos forraxeiros e fabas), que se completará co uso de leguminosas pratenses anuais de autosementeira (trevo subterráneo, trevo vesiculoso, trevo encarnado, serradella) en zonas climaticamente difíciles, como é o caso de moitas zonas de Ourense.

OBXECTIVOS:

Mesturas de triticale con veza e de triticale con chícharos forraxeiros:

O obxectivo destas mesturas é acadar unha forraxe de inverno rica en proteína, susceptible de ser aproveitada nun único corte a finais de abril ou comezos de maio, que substitúa ao clásico raigrás italiano.

Oriéntase a explotacións intensivas de produción de vacún de leite.Mellora da contribución do trevo branco en praderías existentes:

O obxectivo é a recuperación do trevo branco en praderías existentes por técnicas de manexo e de sementeira sen laboreo. Oriéntase a explotacións extensivas, Montes Veciñais en Man Común dos Ancares e de Ourense principalmente, nas que desapareceu o trevo como consecuencia do xeito de aproveitamento e do manexo da fertilidade do solo.Reintrodución do trevo violeta nas praderías de media duración:

O obxectivo é recuperar o papel que o trevo violeta tivo como integrante de mesturas pratenses de media duración nos anos sesenta e na primeira metade dos setenta do século pasado. Oriéntase a explotacións intensivas de produción de vacún de leite.

Uso da alfalfa como forraxeira nas explotacións galegas:Malia que os resultados experimentais demostran que a alfalfa é un cultivo de interese en Galiza, non acaba de ser adoptada polas explotacións gandeiras que, por outra banda, compran cantidades elevadas de alfalfa noutras zonas do Estado español.

O obxectivo é trasladar estes resultados ás explotacións máis intensivas e ver cales son as razóns que impiden que a alfalfa sexa un cultivo común nestas explotacións.

Uso trevo subterráneo, trevo vesiculoso e serradella:

O obxectivo é coñecer o comportamento destas especies, moi utilizadas nos solos ácidos de climas semiáridos do Centro-Oeste e Suroeste de España, en climas difíciles da provincia de Ourense, nos que o trevo branco ten problemas de persistencia.

 

NOVIDADES DO CIAM

foto
19/11/2021
VIII Edición Seminario Práctico: Incremento da rendibilidade das explotacións leiteiras mediante a mellora xenética
foto
22/10/2021
Xornada técnica: pasado, presente e futuro das marcas de calidade diferenciada de Galicia. Relación co sistema galego de I+D+I
foto
13/10/2021
Xornadas técnicas: Programas sanitarios nas ADSG de vacún de carne e de leite, con especial referencia ao programa nacional e autómico de control e vixilancia da IBR
foto
08/09/2021
Xornada Técnica: Avaliación de variedades comerciais de millo forraxeiro
foto
27/08/2021
Listas de contratación temporal de persoal investigador na Agacal-Listado provisional admitidos e excluídos
foto
09/07/2021
Nº: 2 Revista de divulgación do Centro de Investigacións Agrarias de Mabegondo

 

fondo

EMPRESA

PROXECTOS

ACTIVIDADES

PUBLICACIÓNS

APLICACIÓNS RAX

SOCIAL

Copyright 2019 - CIAM - Centro Investigacións Agrarias de Mabegondo - Todos os dereitos reservados