Data: 15/09/2017
A Conselleira do Medio Rural, Ánxeles Vázquez, inaugurou esta mañá no Centro de Investigacións Agrarias de Mabegondo (CIAM) o Máster en Produción de Leite que neste ano cumple a súa cuarta edición.
A Conselleira estivo acompañada neste acto inaugural polo vicereitor de Coordinación do Campus de Lugo, Javier Bueno; o director xerente do Ligal, Roberto Lorenzana; o director do Máster, José Manuel Pereira e o director do CIAM, Manuel López. Tamén estivo presente a directora xeral de Gandaría, Agricultura e Industrias Agroalimentarias, Belén do Campo.
Dende a primeira edición do máster no curso académico 2012/2013, o INGACAL, a través do CIAM, colaborou activamente na súa execución gracias á participación dos seus investigadores como docentes, e poñendo a disposición do alumnado as instalacións para o desenvolvemento das clases prácticas.
Neste senso, o CIAM conta cun rabaño de gando vacún de leite de 200 cabezas, o que permitirá ao alumnado entender dun xeito máis visual e práctico algunhas das temáticas desenvolvidas nos diferentes módulos impartidos, como poden ser o estudo e análise das operacións de ordeño, a morfoloxía da vaca de leite, a maquinaria agrícola, as técnicas de ensilados, os cultivos forraxeiros etc.
O Máster en Produción de Leite do Campus Terra da USC, permitirá obter un coñecemento de primeira mán da situación do sector dende un punto de vista teórico e sobre todo práctico.
As clases desenvolveranse no Centro de Investigacións Agrarias de Mabegondo (CIAM), o Campus Terra da Universidade de Santiago de Compostela e o Laboratorio Interprofesional Galego de Análise do Leite (LIGAL).
Nesta edición está patrocinado por Progando, a Cooperativa Agraria Provincial de A Coruña, Delagro, a Deputación Provincial de Lugo e Capsa Food.
http://www.revistaafriga.com/noticias/inaugurado-o-master-en-producion-de-leite-da-usc/
PROXECTOS
ACTIVIDADES
APLICACIÓNS RAX
SOCIAL
