Código do proxecto: FEADER 2017/014B
Ano de inicio: 2017
Investigador Principal: Mª Isabel García Pomar
Outros investigadores: Mª Dolores Báez Bernal; Entidade solicitante: Unión de Cooperativas AGACA; Entidade colaboradora: Cooperativa Agraria Provincial da Coruña
Departamento:
Área:
O sector do gando vacún leiteiro é moi importante en Galicia, sendo a primeira comunidade autónoma produtora de leite, cun 39 % do total nacional -2643 millóns de litros-. Na produción de leite a intensificación dos últimos anos levou a un impacto ambiental no medio (solo, auga e aire), sendo necesario un uso axeitado e utilización eficiente dos recursos da explotación e ir cara unha produción de leite sostible e competitivo.
AGACA e CIAM participan no proxecto europeo de intercambio de información “EURODAIRY”, sendo un dos ámbitos de cooperación e innovación o uso eficiente dos recursos da explotación, necesitándose financiamento para o desenvolvemento e integración de ferramentas, que orienten sobre a adopción de prácticas que incrementen a eficiencia na reciclaxe dos nutrientes e reduzan as perdas ao medio e a pegada de carbono.
Este reto abórdase no proxecto dos seguintes xeitos: calculando o balance de nutrientes para reducir o exceso dos nutrientes na explotación, calculando a pegada de Carbono, e aplicando técnicas na explotación para mellorar o balance e a pegada de carbono e intercambiando e compartindo innovacións con outras rexións produtoras de leite que melloren a eficiencia na utilización dos recursos.
O obxectivo xeral desta proposta de innovación é que o leite sexa producido en condicións de sustentabilidade, mediante unha utilización eficiente dos recursos da explotación (fertilizantes orgánicos), conxugándose a competitividade económica e as boas prácticas que minimicen o impacto dos recursos sobre a calidade dos recursos naturais (auga, aire).
As cooperativas deste grupo operativo exercen un efecto positivo na súa contorna actuando como elementos dinamizadores e divulgadores das experiencias e proxectos de investigación nos que colaboran. Por conseguinte, a participación activa do persoal técnico das cooperativas involucradas, dos gandeiros e do persoal do CIAM favorecerá enormemente a labor de difusión.
