Código do proxecto: AC2018-04
Ano de inicio: 2018
Investigador Principal: Teresa Moreno López
Outros investigadores: Santiago Crecente Campo, Jaime Fontela Seijo. Cooperante: Betanzos Carnes S.L.
Departamento:
Área:
ACCIÓNS DE COOPERACIÓN PARA A IMPLANTACIÓN DE PROXECTOS PILOTO, DESENVOLVEMENTO DE NOVOS PRODUTOS, PRÁCTICAS, PROCESOS E TECNOLOXÍAS NOS SECTORES AGROALIMENTARIO, AGRÍCOLA E FORESTAL
No ano 2017 xurde a IXP Vaca e Boi de Galicia, amparando a carne procedente de vacún maior nacido, criado e sacrificado en Galicia. O fin da IXP é valorizar estes animais a través dun período de cebo, conseguindo que o seu valor engadido repercuta nas explotacións galegas. O potencial deste tipo de produción en Galicia é enorme, sobre todo nas vacas de leite.
A carne de vacún maior de calidade procede de animais de rabaños reprodutivos que por desvelle ou por algún tipo de problema son cebados antes do sacrificio. Os parámetros que máis claramente definen a súa carne son: un elevado grao de infiltración graxa a nivel muscular e gran cantidade de graxa subcutánea de cor amarela.
Neste proxecto preténdese estudar o efecto da dieta de cebo nas características da canal e da carne de vacas frisonas amparadas pola IXP Vaca e Boi de Galicia. Para elo utilizaranse dous tipos de concentrado, a fariña de millo como concentrado máis habitual e un penso enriquecido en enerxía e con presenza de pigmentantes naturais na súa composición, co obxectivo de mellorar a deposición graxa e incrementar a cor amarela da mesma.
Para desenvolver o ensaio seleccionaranse 16 vacas de descarte da raza Holstein-Friesian e repartiranse en dous grupos aleatorios de 8 vacas/grupo en función do tipo de concentrado:
Concentrado de Fariña de millo (FM) vs. Penso concentrado enriquecido (PCE)
Os obxectivos do proxecto son os seguintes:
1. Determinar o efecto da concentración enerxética da dieta de cebo sobre a ganancia de peso e o rendemento do canal
2. Determinar a cor da graxa subcutánea e a súa porcentaxe de cubrición no canal
3. Analizar as características físico-químicas da peza do lombo
4. Analizar as características nutricionais da peza do lombo
5. Analizar as características sensoriais da peza do lombo
