fondo
Logo Conseller�a
Logo Ingacal
CIAM
Proxectos
proxectos > Introducción
Titulo:
 
Autor:

 


Código do proxecto: RTA04-135
Ano de inicio: 2004
Investigador Principal: Jesús Francisco Moreno González
Outros investigadores: Jesús Moreno González, María Belén Salleres Neira, Laura Campo Ramírez
Departamento:
Área:

OBXETO DO PROXECTO:

Galiza segue sendo unha das rexións importantes na sementeira de maínzo grao e forraxeiro. A tendencia cara a sementeira de maínzo híbrido segue aumentando. Este uso crecente de semente de maínzo híbrido débese á modernización das explotacións, pero tamén a unha oferta de híbridos comerciais precoces adaptados ás condicións da rexión. O acceso a un material seleccionado con resistencia e tolerancia a pragas e enfermidades é desexable para diversos centros españois que traballan na mellora do maínzo.Este proxecto relaciónase con proxectos previos, dirixidos cara o desenvolvemento de material xenético base de maínzo adaptado a Galiza e ao Norte de España, nos que se tratou de obter un material mellorado de maínzo adaptado ás condicións ambientais das zonas húmidas do Norte de España incorporando material semi-exótico do CIMMYT.

Fíxose énfase especial en afondar nas causas do encamado de maínzo e en buscar criterios eficientes de selección para a resistencia ao envorco.

Neste proxecto, ademais de seguir co desenvolvemento de material base mellorado para Galiza e o Norte peninsular, vanse utilizar as poderosas ferramentas xenéticas dos marcadores moleculares, que servirán de axuda para diseccionar xenomicamente algúns caracteres importantes de natureza cuantitativa, gobernados por moitos xenes con efectos pequenos, como o rendemento, a resistencia ao encamado, a dixestibilidade da fracción verde do maínzo forraxeiro, a dureza do endospermo de maínzo e outros caracteres agronómicos como a precocidade na floración, a altura da planta e da mazaroca.

Isto permitirá mellorar o coñecemento das claves da herdanza e unha análise xenética máis profunda de caracteres que son importantes nos programas de mellora xenética do maínzo cando se tentan seleccionar xenotipos con utilidade agronómica para as condicións das zonas húmidas de España.

OBXECTIVOS:Selección asistida baseada en marcadores moleculares para os caracteres de rendemento de grao, resistencia ao encamado e dixestibilidade da fracción verde da forraxe, mediante avaliación de “testcrosses” obtidos nos cruzamentos de 250-300 individuos derivados dunha poboación F2 por un probador ou “tester” heterótico.

- Formación das subpoboacións seleccionadas no obxectivo 1 mediante a aplicación de (i) tres criterios de selección: (a) exclusivamente fenotípica, (b) selección asistida combinando valores fenotípicos e xenético

-moleculares, e (c) exclusivamente molecular; (ii) dúas intensidades de selección 5% e 10%; e (iii) dous niveis de significación (F = 0,1 e F = 0,01) para a entrada dos QTLs putativos nos modelos de regresión “stepwise”. Estudo da evolución do grao de desequilibrio de ligamento.

- Desenvolvemento e comprobación empírica de modelos estatísticos que permitan unha predición fina da interacción QTLs x ambientes (QTL x E).- Desenvolvemento e selección de liñas puras con boa aptitude combinatoria, precoces e tolerantes a encamado. Avaliación da Actitude Combinatoria Específica de varias liñas S4 a S7 derivadas de poboacións segregantes mediante cruzamentos con probadores (“testers”) heteróticos

 

NOVIDADES DO CIAM

foto
22/10/2018
Incremento da rendibilidade das explotacións leiteiras mediante a mellora xenética
foto
19/09/2018
Xornada técnica: As posibilidades da rega no millo
foto
27/04/2018
Iniciativas de investigación colaborativa para a produción de leite e carne de vacún en Galicia
foto
28/02/2018
Xornada: A produción de carne de vacún. Unha oportunidade para emprender na biosfera
foto
24/01/2018
Efecto da rega sobre o rendemento de cultivos forraxeiros de verán na Galicia interior
foto
28/12/2017
Convocatoria do proceso selectivo para a contratación por obra ou servizo de duración determinada de tres postos de persoal titulado superior universitario

 

fondo

EMPRESA

PROXECTOS

ACTIVIDADES

PUBLICACIÓNS

APLICACIÓNS RAX

SOCIAL

Copyright 2013 - CIAM - Centro Investigacións Agrarias de Mabegondo - Todos os dereitos reservados