Código do proxecto: RTA03-113
Ano de inicio: 2003
Investigador Principal: Oscar Martínez de Ilarduya
Outros investigadores: Oscar Martínez de Ilarduya, Laura Campo Ramírez
Departamento:
Área:
INTRODUCION
En comparación coa análise morfolóxica, os marcadores moleculares poden poñer de manifesto diferenzas entre accesións vexetais a nivel de ADN e proporcionar unha ferramenta directa, fiable e eficiente para o rexistro de variedades e a conservación e manexo de bancos de xermoplasma.
Proponse o uso de marcadores SSR para o estudo e xenotipado de liñas de maínzo emparentadas en distinto grao e doutras non emparentadas. Proponse un proxecto que avalíe a utilidade do uso de marcadores SSR na análise da variabilidade xenética en variedades de maínzo.
Proponse o estudo e a comparación dos patróns moleculares obtidos a partir de liñas emparentadas, de pedigrí coñecido, con outras liñas de maínzo non emparentadas. Ademais, preténdese determinar o número de marcadores óptimo para a análise de variedades.
Este proxecto propón desenvolver un modelo de cálculo de relación e diversidade xenética de diferentes liñas puras de maínzo por medio do uso de marcadores moleculares de tipo SSR. Adicionalmente, proponse estudar a validez da técnica para a estimación do grao de parentesco, a correcta identificación das liñas parentais dun híbrido, a identificación de xenes introducidos e a localización de QTLs (lugares para rasgos cuantitativos) de interese agronómico.
Preseleccionar un grupo de marcadores moleculares SSR (de 150 a 200) que cobrandensa e uniformemente o xenoma do maínzo. Analizar molecularmente un conxunto de 200 a 250 liñas puras de maínzo emparentadas e non emparentadas de ampla e diversa orixe, incluíndo as de referencia histórica e as de estendido uso agronómico.
- Desenvolver un modelo para a estimación do grao de parentesco de liñas puras demaínzo baseado na elección dun número mínimo de marcadores SSRs estábeis cun alto contido en polimorfismo informativo.
O modelo deberá predecir e minimizar o erro asociado á estimación do grao de parentesco e podería servir de base para a implantación dun sistema de protección das liñas no Rexistro das Listas Nacionais ao amparo das recomendacións UPOV.
- Validar o modelo cun conxunto independente de 40-50 pares de liñas puras de maínzode parentesco e pedigrí coñecidos, así como examinar a correcta identificación dos parentais de híbridos de fórmula coñecida.
- Establecer unha asociación entre os marcadores moleculares e a expresión fenotípica de mutantes do maínzo de interese agronómico e industrial, como floury (fl1), opaco-2 (o2), sugary (su1), waxy (wx), etc.- Identificar e localizar QTLs responsábeis da dureza do grao (maínzo prata) para o uso nos cereais do almorzo.
PROXECTOS
ACTIVIDADES
APLICACIÓNS RAX
SOCIAL
