Data: 19/05/2017
O comité de seguimento de Proxectos Interreg da convocatoria Interrreg da Rexión Atlántica ven de aprobar o proxecto “Dairy for future” no que participa o INGACAL-CIAM.
O Instituto Galego de Calidade Alimentaria (INGACAL) participará neste proxecto, de catro anos de duración, xunto con prestixiosos centros de investigación, entidades de aconsellamento e universidades doutras nove rexións do Arco Atlántico que abranguen dende Escocia ate as illas Azores.
As rexións do Arco Atlántico Europeo producen mais dun 20% do leite da Unión Europea e é por elo que se pretende dotar aos diferentes actores do sector: produtores, industria, distribución e consumidores, de ferramentas de análise de fácil comprensión e execución que correlacionen eficiencia produtiva e económica coa preservación do medio ambiente. Chegar a establecer un etiquetado que tanto en granxas como en produtos identifique aquelas prácticas mais eficientes será o obxectivo final deste proxecto.
O proxecto contará cunha rede de 100 granxas piloto, das que 10 estarán en Galicia, distribuídas polas 10 rexións que participan no proxecto.
Entidades participantes no proxecto: Institut de l´elevage (Bretaña); INRA (Francia); Teagasc (República de Irlanda); College of Agriculture, Food and Rural Enterprise (Irlanda do Norte); AFBI Hillsborough (Irlanda do Norte); Scotland’s Rural College (Escocia); Agriculture and Horticulture Development Board (Reino Unido); NEIKER (País Vasco); UTAD, Universidade de Trás-os-Montes e Alto Douro (Norte de Portugal); Instituto Superior de Agronomia - Universidade de Lisboa (Lisboa, Val do Teixo e Rexión de Azores); INGACAL-CIAM (Galicia).
PROXECTOS
ACTIVIDADES
APLICACIÓNS RAX