fondo
Logo Conseller�a
Logo Agacal
CIAM
Instalaciones CIAM
actividades > Prensa
Estudantes da Universidade holandesa de Dronten interésanse polo funcionamento das explotacións gandeiras de Galicia

Data: 23/04/2016

A Consellería do Medio Rural, a través do persoal do Centro de Investigacións Agrarias de Mabegondo (CIAM), organizou esta semana unha visita didáctica por diversas explotacións gandeiras para un total de 18 estudantes da Universidade de Dronten, en Holanda.

Estes alumnos, que cursan o último ano na especialidade de Produción Animal e repiten por segunda vez a visita á nosa Comunidade, puideron intercambiar experiencias con alumnos e profesorado do Centro de Promoción Rural - EFA Fonteboa, sita en Coristanco. Alí mesmo, o investigador do Instituto Galego da Calidade Alimentaria (Ingacal), César Resch, faloulles sobre o sector lácteo en Galicia e as diferentes liñas de investigación que no eido do leite se levan a cabo no CIAM.

Durante a súa estancia pola nosa Comunidade, os alumnos holandeses tamén coñecer o funcionamento de diversas explotacións, entre elas dúas da comarca de Bergantiños (Gandeiría A Pradeira S.C. e SAT Langueirón), granxas de carne e leite das zonas de Abadín, A Pastoriza e Palas de Rei; así como unha de tipo ecolóxico situada na comarca de Arzúa. Finalmente remataron a súa visita coñecendo a cooperativa ICOS e a fábrica de pensos AIRA.

A Consellería do Medio Rural impulsa este tipo de intercambios e visitas guiadas para fomentar e promover a calidade das nosas explotacións agrogandeiras, así como as investigacións que se levan nos distintos centros adheridos a este departamento.

 

NOVIDADES DO CIAM

foto
21/10/2022
Xornada técnica: Oportunidades do cultivo de altramuz gran en Galicia
foto
14/07/2022
Xornadas técnicas: Fruticultura en Galicia. Evolución e perspectivas
foto
04/07/2022
Nº: 4 Revista de divulgación do Centro de Investigacións Agrarias de Mabegondo
foto
27/12/2021
Nº: 3 Revista de divulgación do Centro de Investigacións Agrarias de Mabegondo
foto
22/12/2021
Xornada de presentación do proxecto FEADER 2021/071A "Optimización da dieta de cebo das diferentes categorías da raza cachena"
foto
23/11/2021
CURSO: Derivados lácteos ecolóxicos: Oportunidades de emprego mediante o desenvolvemento da industria láctea ecolóxica

 

fondo

EMPRESA

PROXECTOS

ACTIVIDADES

PUBLICACIÓNS

APLICACIÓNS RAX

SOCIAL

Copyright 2019 - CIAM - Centro Investigacións Agrarias de Mabegondo - Todos os dereitos reservados